«Bolashaq» halyqaralyq stipendiiasyna ie bolǵan úmitkerler tizimi jariialandy. Ol týraly QR Bilim jáne ǵylym vitse-ministri Miras Dáýlenov óziniń Facebook-tegi paraqshasynda málim etti, dep habarlaidy "Ult aqparat".
Eń aldymen vitse-ministr halyqaralyq stipendiiany taǵaiyndaýda ádildik pen ashyqtyq qamtamasyz etý jolynda jasalǵan basty qadamdarǵa toqtalyp ótti.
«Stipendiattardy irikteý Prezidenttik jastar kadrlyq rezervine irikteý úlgisi boiynsha tolyǵymen avtomattandyrylǵan. Konkýrstyq irikteýdiń ár kezeńi proktoring júiesi arqyly tsifrlandyrylǵan jáne beinetirkeýge alyndy. Biz keshendi testileý men suhbattasý protsesin ótkizý tásilin sapaly etip ózgerttik. Úmitkerler oqý ornyna óz betimen túsýi tiis, sondyqtan pándik suraqtar qoiyp, tekserýdiń qajeti joq. Onyń ornyna biz úmitkerlerdiń taldaý, syni oilaý, faktilerdi túsindirý daǵdylaryn jáne erekshe jaǵdailarda beiimdelý qabiletterin baǵalaýǵa nazar aýdardyq» - dedi M. Dáýlenov.
Onyń aitýynsha, respýblikalyq komissiianyń sheshimimen «Bolashaq» stipendiiasy 106 úmitkerge berildi.
«Taǵy bir basty jańalyq, barlyq stipendianttyń bilim alý barysy boiynsha monitoring Halyqaralyq baǵdarlamalar ortalyǵynyń jańa portalynda tsifrlyq formatta júzege asyrylatyn bolady. Endi stipendiattarǵa jarty jylda bir ret transkripterdi skanerleýdiń, esepter jazýdyń jáne anyqtamalar jiberýdiń qajeti joq. Barlyq derek blokchein tehnologiiasyna negizdelgen júiede jinalady. Al sol júiedegi kez kelgen ózgerister avtomatty rejimde tirkelip, saqtalady. Bul stipendianttarǵa qatysty aqparattyń negizsiz ózgerýine jol bermeidi», - deidi ol.
Stipendiattardyń tolyq tizimimen myna silteme arqyly tanysýǵa bolady.
