«بولاشاق» حالىقارالىق ستيپەنديياسىنا يە بولعان ٷمٸتكەرلەر تٸزٸمٸ جارييالاندى. ول تۋرالى قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ٶزٸنٸڭ Facebook-تەگٸ پاراقشاسىندا مەلٸم ەتتٸ, دەپ حابارلايدى "ۇلت اقپارات".
ەڭ الدىمەن ۆيتسە-مينيستر حالىقارالىق ستيپەندييانى تاعايىنداۋدا ەدٸلدٸك پەن اشىقتىق قامتاماسىز ەتۋ جولىندا جاسالعان باستى قادامدارعا توقتالىپ ٶتتٸ.
«ستيپەندياتتاردى ٸرٸكتەۋ پرەزيدەنتتٸك جاستار كادرلىق رەزەرۆٸنە ٸرٸكتەۋ ٷلگٸسٸ بويىنشا تولىعىمەن اۆتوماتتاندىرىلعان. كونكۋرستىق ٸرٸكتەۋدٸڭ ەر كەزەڭٸ پروكتورينگ جٷيەسٸ ارقىلى تسيفرلاندىرىلعان جەنە بەينەتٸركەۋگە الىندى. بٸز كەشەندٸ تەستٸلەۋ مەن سۇحباتتاسۋ پروتسەسٸن ٶتكٸزۋ تەسٸلٸن ساپالى ەتٸپ ٶزگەرتتٸك. ٷمٸتكەرلەر وقۋ ورنىنا ٶز بەتٸمەن تٷسۋٸ تيٸس, سوندىقتان پەندٸك سۇراقتار قويىپ, تەكسەرۋدٸڭ قاجەتٸ جوق. ونىڭ ورنىنا بٸز ٷمٸتكەرلەردٸڭ تالداۋ, سىني ويلاۋ, فاكتٸلەردٸ تٷسٸندٸرۋ داعدىلارىن جەنە ەرەكشە جاعدايلاردا بەيٸمدەلۋ قابٸلەتتەرٸن باعالاۋعا نازار اۋداردىق» - دەدٸ م. دەۋلەنوۆ.
ونىڭ ايتۋىنشا, رەسپۋبليكالىق كوميسسييانىڭ شەشٸمٸمەن «بولاشاق» ستيپەنديياسى 106 ٷمٸتكەرگە بەرٸلدٸ.
«تاعى بٸر باستى جاڭالىق, بارلىق ستيپەنديانتتىڭ بٸلٸم الۋ بارىسى بويىنشا مونيتورينگ حالىقارالىق باعدارلامالار ورتالىعىنىڭ جاڭا پورتالىندا تسيفرلىق فورماتتا جٷزەگە اسىرىلاتىن بولادى. ەندٸ ستيپەندياتتارعا جارتى جىلدا بٸر رەت ترانسكريپتەردٸ سكانەرلەۋدٸڭ, ەسەپتەر جازۋدىڭ جەنە انىقتامالار جٸبەرۋدٸڭ قاجەتٸ جوق. بارلىق دەرەك بلوكچەين تەحنولوگيياسىنا نەگٸزدەلگەن جٷيەدە جينالادى. ال سول جٷيەدەگٸ كەز كەلگەن ٶزگەرٸستەر اۆتوماتتى رەجيمدە تٸركەلٸپ, ساقتالادى. بۇل ستيپەنديانتتارعا قاتىستى اقپاراتتىڭ نەگٸزسٸز ٶزگەرۋٸنە جول بەرمەيدٸ», - دەيدٸ ول.
ستيپەندياتتاردىڭ تولىق تٸزٸمٸمەن مىنا سٸلتەمە ارقىلى تانىسۋعا بولادى.
