Foto: tv7.kz
Ekonomist Merýert Mahmutova QQS-ty kóterý máselesimen bas qatyryp júrgende, «Bolashaq» baǵdarlamasyna engizilgen ózgerister nazardan tys qalǵanyn aitady. Atap aitqanda, ózgeristerge sáikes, memlekettik qyzmetshiler shetelde tildik kýrstardan ótý quqyǵyna ie boldy, dep habarlaidy Ult.kz.
"Bir jyldyq baǵdarlama magistratýranyń bir jyldyq shyǵynyna teń, oǵan ai saiyn $2000 kólemindegi stipendiia, jol shyǵyndary, áýe biletteri jáne basqa da artyqshylyqtar kiredi", - deidi ol.
Ekonomist osyǵan orai, «Bolashaq» baǵdarlamasyn jetildirý jáne biýdjet qarajatyn únemdeýge arnalǵan usynystar berdi:
- Memlekettik qyzmetshilerdi tildik kýrstarǵa Qazaqstandaǵy sheteldik ýniversitetterdiń filialdaryna nemese qajetti jaǵdailary bar otandyq joǵary oqý oryndaryna jiberý.
- Memlekettik qyzmetshilerdi (kvotany kóbeitý arqyly) Nazarbaev Ýniversitetinde jáne QR Prezidentiniń janyndaǵy Memlekettik basqarý akademiiasynda memlekettik basqarý jáne saiasat magistratýrasy baǵdarlamalary boiynsha oqytýǵa jiberý. Bul mekemelerdiń halyqaralyq akkreditatsiiasy jáne «memlekettik basqarý» salasynda sheteldik seriktesteri bar.
- Sheteldik ýniversitetter men ǵylymi-zertteý ortalyqtarynda taǵylymdamadan ótý baǵdarlamasynan «memlekettik qyzmetshi» sanatyn alyp tastaý.
- Magistratýra baǵdarlamalary boiynsha «Bolashaq» stipendiiasyn alý baiqaýynan «memlekettik qyzmetshi» sanatyn alyp tastaý, barlyq úmitkerlerge kásibi tiistiligi men qyzmettik mártebesine qaramastan teń jaǵdai jasaý.
- Únemdelgen biýdjettik qarajatty óńirlik ýniversitetterdiń áleýmettik infraqurylymyn damytýǵa (jataqhanalardy, ǵylymi zerthanalardy, kompiýterlik synyptardy jańǵyrtý) baǵyttaý.
Mahmutova tildi kem degende Duolingo qosymshasy arqyly da úirenýge bolatynyn atap ótti.
