«Bolashaq» baǵdarlamasy aiasynda «Ádebiet» atalymy boiynsha mamandyqtar sanyn kóbeitilmek.
Bul týraly Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Bolashaq» halyqaralyq stipendiiasy aiasynda kadrlar daiarlaý eńbek naryǵyna qajettilikteriniń ortamerzimdi boljamyn eskere otyryp ázirlenetin Basym mamandyqtar tizbesine sáikes júzege asyrylady. Halyqaralyq stipendiia iske asyrylǵan 28 jyl ishinde barlyǵy 130 stipendiia «Filologiia, lingvistika, aýdarma isi» mamandyqtary boiynsha taǵaiyndalǵan. Onyń ishinde 10 stipendiia «Aǵylshyn tili jáne ádebieti», «Aǵylshyn ádebieti», «Til jáne ádebi bilim», «Til jáne media», «Zamanaýi tilder men ádebiet» mamandyqtary boiynsha berilgen. Al sońǵy bes jyl aralyǵynda «Filologiia, lingvistika, aýdarma isi» mamandyqtary boiynsha 26 stipendiia (bakalavriat – 1, magistratýra – 11, doktorantýra – 6, taǵylymdama – 8 stipendiia) taǵaiyndalǵan: Onyń bireýi - «Aǵylshyn ádebieti» mamandyǵy boiynsha», - dep atap ótedi Eraly Toǵjanov jaýabynda.
Vitse-premer dereginshe, qazirgi tańda olardyń ishinen 17-ci oqýyn aiaqtady, 9 stipendiat bilim alý ústinde. Jalpy, tizbege poeziia men proza, aýdarma men ádebi syn, dramatýrgiia men syni oilaý siiaqty ádebietke qatysty pánderdiń baǵytyndaǵy magistr men doktor dárejesin álemniń úzdik ýniversitetterinde bilim alýǵa baǵyttalǵan mamandyqtar engizilgen. Onyń ishinde: «Til bilimi jáne ádebiet», «Til, ádebiet jáne mádeniet», «Ádebi til bilimi», «Ejelgi jáne qazirgi tilder men ádebiet», «Qazirgi zaman ádebieti», «Salystyrmaly ádebiet men mádeniet», «Balalar ádebieti», «Aǵylshyn ádebieti», «Klassikalyq tilder men ádebiet», «Álem ádebieti aǵylshyn tilinde», «Salystyrmaly ádebiet jáne syni aýdarma», «Jahan ádebieti men mádenieti», «Aǵylshyn tili jáne salystyrmaly ádebiettaný», «Ispan tili jáne ádebieti», «Grek/latyn tilderi men ádebieti», «Frantsýz tili jáne ádebieti», «Nemis tili jáne ádebieti», «Latyn Amerika ádebieti», «Frantsýz jáne roman tilderi men ádebietteri», «Aǵylshyn ádebieti: ádebiet jáne qoǵam: aǵartýshylyq, romantizm», «Aǵylshyn ádebieti: ádebiet jáne qazirgi zaman: 1900 jyldan qazirgi ýaqytqa deiin», «Aǵylshyn ádebieti jáne Amerikataný», «Jazba óneri jáne basylym», «Dramalyq jazý», «Ádebiet jáne kino», «Dramalyq ádebiet, teatr tarihy jáne kino».
«Depýtattyq saýalda kórsetilgen usynystar eskerile otyryp, tizbedegi «Ádebiet» atalymy boiynsha mamandyqtar sanyn kóbeitýge nazar aýdarylatyn bolady. Sonymen qatar, jalpy «Bolashaq» baǵdarlamasy aiasynda ádebiet mamandyǵy boiynsha bilim alatyn túlekter sany úmitkerlerdiń osy mamandyqqa qyzyǵýshylyǵyna tikelei bailanysty ekendigin eskerý qajet. Bul rette Qazaqstan jazýshylar odaǵy osy mamandyqtar boiynsha iriktep usynǵan talantty qalamgerlerdiń kandidatýralary zertteledi jáne qoldanystaǵy «Bolashaq» halyqaralyq stipendiiasyn taǵaiyndaý úshin úmitkerlerdi irikteý qaǵidalaryna konkýrstyq negizde qarastyrylady», - dedi Úkimet basshysynyń orynbasary.
