Bilim jáne ǵylym vitse-ministri Miras Dáýlenov «Bolashaq» baǵdarlamasy boiynsha álemdik joǵary oqý oryndary qalai irikteletini týraly aitty, dep habarlaidy "Ult aqparat".
«2020 jylǵa arnalǵan «Bolashaq» halyqaralyq stipendiiasyn taǵaiyndaý konkýrsy jeńimpazdarynyń oqýy úshin usynylatyn sheteldik jetekshi joǵary oqý oryndary, sheteldik uiymdarynyń tizimi birqatar ólshemshartqa sáikes jasaqtalǵan. Atap aitqanda oqý ornynyń halyqaralyq akademiialyq reitingteri: QS World University Rankings, Academic Ranking of World Universities, Times Higher Education World University Rankings, The U.S. News & World Report Best Global University Ranking sońǵy jariialanymyna sáikes keminde ekeýiniń alǵashqy 100 ornynyń qataryna kirýi tiis. Sonymen birge ekonomikalyq yntymaqtastyq jáne damý uiymynyń múshe-memleketteri aýmaǵynda ornalasqan oqý orny – U.S. News & World Report Best Global University Ranking basylymynyń deregi boiynsha álemdegi úzdik ýniversitetter reitinginiń jahandyq 65 baldan kem emes baǵalaý nátijesine (Global Score) ie bolýy kerek», - dedi vitse-ministr QazAqparat agenttiginiń resmi saýalyna bergen jaýabynda.
