Qazaqstan boks federatsiiasynyń bapkerlik máseleler jónindegi vitse-prezidenti, bokstan QR quramasynyń memlekettik jattyqtyrýshysy Baqtiiar Artaev Olimpiadadaǵy boksshylardyń ónerine baǵa berdi, dep habarlaidy "Ult aqparat".
«Qazir boksqa qatysty naqty sheshimder qabyldanady. Biyl qazan aiynda álem birinshiligi Serbiiada ótedi. Soǵan bailanysty ulttyq qurama tizimin tolyqtai ózgertip, jaqty komandamen baryp, jaqsy nátije beremiz degen oidamyz», - dedi Artaev Ortalyq kommýnikatsiialar qyzmetinde.
Onyń paiymynsha, osyndai naqty nyq qadamdar jasaý kerek bolyp tur.
«Daiyndyq kezinde keńestik kezeńdegi daiyndyq tártibinen aryla almai kelemiz. Óitkeni kúnine úsh mezgil daiyndyqtyń ózi sportshylarǵa óte aýyr tiip jatyr. Sondyqtan daiyndyq kezeńi ózgerýi yqtimal. Budan bólek, bapkerler máselesin qarastyramyz. Aldaǵy álem birinshiliginde jankúierlerdi qýantamyz degen oidamyn», - dedi Baqtiiar Artaev.
