قازاقستان بوكس فەدەراتسيياسىنىڭ باپكەرلٸك مەسەلەلەر جٶنٸندەگٸ ۆيتسە-پرەزيدەنتٸ, بوكستان قر قۇراماسىنىڭ مەملەكەتتٸك جاتتىقتىرۋشىسى باقتييار ارتاەۆ وليمپياداداعى بوكسشىلاردىڭ ٶنەرٸنە باعا بەردٸ, دەپ حابارلايدى "ۇلت اقپارات".
«قازٸر بوكسقا قاتىستى ناقتى شەشٸمدەر قابىلدانادى. بيىل قازان ايىندا ەلەم بٸرٸنشٸلٸگٸ سەربييادا ٶتەدٸ. سوعان بايلانىستى ۇلتتىق قۇراما تٸزٸمٸن تولىقتاي ٶزگەرتٸپ, جاقتى كوماندامەن بارىپ, جاقسى نەتيجە بەرەمٸز دەگەن ويدامىز», - دەدٸ ارتاەۆ ورتالىق كوممۋنيكاتسييالار قىزمەتٸندە.
ونىڭ پايىمىنشا, وسىنداي ناقتى نىق قادامدار جاساۋ كەرەك بولىپ تۇر.
«دايىندىق كەزٸندە كەڭەستٸك كەزەڭدەگٸ دايىندىق تەرتٸبٸنەن ارىلا الماي كەلەمٸز. ٶيتكەنٸ كٷنٸنە ٷش مەزگٸل دايىندىقتىڭ ٶزٸ سپورتشىلارعا ٶتە اۋىر تيٸپ جاتىر. سوندىقتان دايىندىق كەزەڭٸ ٶزگەرۋٸ ىقتيمال. بۇدان بٶلەك, باپكەرلەر مەسەلەسٸن قاراستىرامىز. الداعى ەلەم بٸرٸنشٸلٸگٸندە جانكٷيەرلەردٸ قۋانتامىز دەگەن ويدامىن», - دەدٸ باقتييار ارتاەۆ.
