Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde Qazaqstan sapynan úsh boksshy sharshy alańǵa shyǵady, dep habarlaidy "Ult aqparat".
Atap aitsaq, erler quramasynan 52 keli salmaqta Sáken Bibosynov, 57 kelide Serik Temirjanov jáne 63 keli salmaqta Zákir Safiýllin Tokio Olimpiadasynyń joldamasyn sarapqa salady.
Jalpy atalǵan Aziia-Tynyq muhity aimaǵy elderiniń irikteý týrnirine erlerden 8 salmaqtan 8 boksshy attanǵan bolatyn. Keshe, iaǵni 8 naýryzdan 9 naýryzǵa qaraǵan túni bes boksshymyz Olimpiada litsenziiasyn qanjyǵalaryna bailady.
Olar - 69 keli salmaqta Abylaihan Júsipov, 81 keli salmaqta Bekzat Nurdáýletov,91 keli salmaqta Vasilii Levit, 75 keli salmaqta Ábilhan Amanqul jáne asa aýyr salmaqta (+91) el namysyn qorǵap jatqan Qamshybek Qońqabaev.
Endi, búgin Sáken Bibosynov, Serik Temirjanov jáne Zákir Safiýllin Olimpiada joldamasyn jeńip alsa, bokstan Qazaqstan Ulttyq quramasy Tokioǵa tolyq quramda barady. Osy oraida aita keteiik, búgin S. Bibosynov qytailyq Hý Jinhýamen, S.Temirjanov irandyq Danial Shahbahpen, al Z. Safiýllin irandyq Ashkan Rezaeimen kezdesedi.
Sondai-aq, áielder quramasynan 75 kelide qazaqstandyq boksshy Nadejda Riabets te Tokio Olimpiadasyna litsenziia utyp aldy.
