بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە قازاقستان ساپىنان ٷش بوكسشى شارشى الاڭعا شىعادى, دەپ حابارلايدى "ۇلت اقپارات".
اتاپ ايتساق, ەرلەر قۇراماسىنان 52 كەلٸ سالماقتا سەكەن بيبوسىنوۆ, 57 كەلٸدە سەرٸك تەمٸرجانوۆ جەنە 63 كەلٸ سالماقتا زەكٸر سافيۋللين توكيو وليمپياداسىنىڭ جولداماسىن ساراپقا سالادى.
جالپى اتالعان ازييا-تىنىق مۇحيتى ايماعى ەلدەرٸنٸڭ ٸرٸكتەۋ تۋرنيرٸنە ەرلەردەن 8 سالماقتان 8 بوكسشى اتتانعان بولاتىن. كەشە, ياعني 8 ناۋرىزدان 9 ناۋرىزعا قاراعان تٷنٸ بەس بوكسشىمىز وليمپيادا ليتسەنزيياسىن قانجىعالارىنا بايلادى.
ولار - 69 كەلٸ سالماقتا ابىلايحان جٷسٸپوۆ, 81 كەلٸ سالماقتا بەكزات نۇردەۋلەتوۆ,91 كەلٸ سالماقتا ۆاسيليي لەۆيت, 75 كەلٸ سالماقتا ەبٸلحان امانقۇل جەنە اسا اۋىر سالماقتا (+91) ەل نامىسىن قورعاپ جاتقان قامشىبەك قوڭقاباەۆ.
ەندٸ, بٷگٸن سەكەن بيبوسىنوۆ, سەرٸك تەمٸرجانوۆ جەنە زەكٸر سافيۋللين وليمپيادا جولداماسىن جەڭٸپ السا, بوكستان قازاقستان ۇلتتىق قۇراماسى توكيوعا تولىق قۇرامدا بارادى. وسى ورايدا ايتا كەتەيٸك, بٷگٸن س. بيبوسىنوۆ قىتايلىق حۋ جينحۋامەن, س.تەمٸرجانوۆ يراندىق دانيال شاحباحپەن, ال ز. سافيۋللين يراندىق اشكان رەزاەيمەن كەزدەسەدٸ.
سونداي-اق, ەيەلدەر قۇراماسىنان 75 كەلٸدە قازاقستاندىق بوكسشى نادەجدا ريابەتس تە توكيو وليمپياداسىنا ليتسەنزييا ۇتىپ الدى.
