Bokstan Qazaqstannyń erler jáne áielder quramalarynyń jańa bas bapkeri taǵaiyndaldy, - dep habarlaidy "Ult aqparat" Qazaqstan boks federatsiiasynyń saityna silteme jasap.
Budan bylai Ulttyq quramany Qairat Sátjanov basqarady. Ol bul laýazymda 2018 jyldan beri komanda tizgininde júrgen Ǵalymbek Kenjebaevty almastyrdy.
Sátjanovtyń bapkerlik ótili - 31 jyl. 2011 jyldan 2019 jylǵa deiin Qazaqstan jasóspirimder quramasynyń aǵa jattyqtyrýshysy bolyp jumys istegen. Osy ýaqyt ishinde onyń shákirtteri "Aziia balalary" halyqaralyq oiyndarynyń medalin eki ret jeńip aldy" (2012 - 4/4/2, 2016 - 4/4/3), álem chempionattarynda eki ret úzdik úshtikke endi (2013 - 2/1/5, 2015 - 1/1/3), sondai-aq Aziia chempionattarynda eki ret jeńiske jetken (2013 - 8/2/1, 2017 - 8/2/2).
2019 jyly Sátjanov Qazaqstan jastar quramasynyń aǵa jattyqtyrýshysy bolyp taǵaiyndaldy. Eki jyl ishinde onyń shákirtteri Aziia chempionattarynda eki ret komandalyq esepte jeńiske jetti (2019 - 6/1/2, 2021 - 8/2/2) jáne álem chempionatynda ekinshi oryn aldy (2021 - 2/2/1).
Bokstan Qazaqstan áielder quramasynyń da bas bapkeri aýysty. Óz erkimen ketken Erik Alǵabektiń ornyna Shamil Safiýllin keldi.
Erik Alǵabek komanda tálimgeri qyzmetinde eki jyl boldy. Osy ýaqyt ishinde 2019 jylǵy álem chempionatynda komanda eki qola medalǵa, 2020 jylǵy Aziia irikteý týrnirinde bir olimpiadalyq litsenziiaǵa ie boldy jáne 2021 jylǵy Aziia chempionatynyń komandalyq esebinde (8/1/1) jeńiske jetti.
Al, Safiýllin shirek ǵasyr boiy bapkerlik etip keledi.
Osy ýaqyt ishinde Qazaqstanda jáne shetelde jumys jasap, álem birinshiliginde júlde alǵan, Aziiada ozyp shyqqan shákirtter daiyndady. 2018 jyldan beri Shamil Abdýlbariuly Qazaqstan áielder ulttyq quramasynyń aǵa bapkeri boldy.
Eske salaiyq, Kenjebaev ulttyq quramany 2018 jyldyń jeltoqsanynan bastap basqardy. Buǵan deiin ol jastar quramasyn jattyqtyrǵan, sonymen qatar áýesqoilar arasynda Gennadii Golovkinniń jeke bapkeri retinde tanylǵan. Ol qyzmetinen óz erkimen ketetinin jazǵan jáne bapker óziniń bir ókinishi dep Sabyrhan Mahmudqa olimpiadalyq tsiklde az múmkindik bergenin atady. Biraq keiin bapker bul jazbasyn paraqshasynan óshirip tastaǵan.
