Shymkent qalasynda áielder arasyndaǵy bokstan Qazaqstan chempionatynyń finalynda 69 kg salmaqta Dariǵa Shákimova men Valentina Halzova sharshy alańǵa shyqty, dep habarlaidy "Ult aqparat".
Bulardyń ekeýi de – Qazaqstannyń eńbek sińirgen sport sheberi, bir-birin jaqsy biletin syralǵy qarsylastar.
Dariǵa Rio olimpiadasynyń qola júldegeri, 32 jasta bolsa, biyl 23-ke tolǵan Valentina – 2016 jylǵy álem chempiony.
V.Halzova buǵan deiin Iordaniiada olimpiada joldamasy úshin ótken týrnirde óz múmkindigin paidalana almaǵan edi.
Bul joly jeńis tóreshilerdiń sheshimimen biraýyzdan Valentina Halzovaǵa berildi.
V.Halzova da aldaǵy basty maqsaty Tokio olimpiadasynyń joldamasyn jeńip alý ekendigin málimdedi.
Taǵy bir olimpiadalyq salmaq – 60 kelide elordalyq Rimma Volosenko qazylardyń biraýyz sheshimimen aqmolalyq Karina Ibragimovadan basym tústi.
64 kg salmaqta qaraǵandylyq Milana Safronova shymkenttik Laýra Esengeldini merziminen buryn, aiqyn basymdyqpen utty.
