Bokstan álem chempiony Aslan Muqanovqa kisi óltirdi degen aiyp taǵyldy, dep habarlaidy "QazAqparat" oblystyq politsiia departamentiniń baspasóz qyzmetine silteme jasap.
Kisi ólimi 11 shilde oblys ortalyǵyna jaqyn jerdegi «Altyn dala» aýylynda bolǵan. Politsiianyń kezekshi bólimine bir áiel habarlasyp, jubaiynyń óli denesin tapqanyn aitqan.
Jedel is sharalary barysynda qylmystyq istiń betin ashtyq. Kúdikti Zarechnyi aýylyna qarai qashpaq boldy. Áriptesimmen birge sol mańaidaǵy «Sadovod» sharýa qojalyǵynda júrgenbiz. Bizge sharýa qojalyǵynyń kúzetshisi habarlasyp, kúdikti týraly aqparat berdi. «Arlan» arnaiy jasaǵynyń kómegimen kúdiktini qolǵa túsirdik. Onyń sportshy ekeni anyqtaldy, - dedi jergilikti politsiia qyzmetiniń bastyǵy Serik Raqyshev.
Kúdiktiniń bokstan 61 kelige deiingi NBA júiesi boiynsha álem chempiony Aslan Muqanov ekeni belgili boldy.
31 jastaǵy qostanailyq sportshy kásipqoi ringte 6 kezdesý ótkizdi.
