Álem chempiony Galib Djafarov Bokstan olimpiada rezervin daiarlaityn balalar-jasóspirimder oblystyq mamandandyrylǵan sport mektebiniń direktory qyzmetine taǵaiyndaldy, dep habarlaidy "Ult aqparat".
Aqtóbede tárbielenip, 2003 jyly Tailandta ótken bokstan Álem chempionatynyń jeńimpazy bolǵan Galib Djafarov ósken ólkesine qaita oraldy. Ol endi Aqtóbedegi Bokstan olimpiada rezervin daiarlaityn balalar-jasóspirimder oblystyq mamandandyrylǵan sport mektebiniń direktory qyzmetin atqarady.
«Aqtóbe oblysynyń dene shynyqtyrý jáne sport basqarmasynyń basshysy Meirambek Mahambetov jańa basshyny sport mekteptiń ujymyna tanystyryp, aldaǵy jumysyna sáttilik tiledi. Taǵaiyndaý barysynda Galib Djafarov ózine artylǵan jaýapkershilikti sezinetinin jáne júktelgen mindetterdi oryndaitynyn aityp, basqarma basshynynyń senimdiligine rizashylyǵyn bildirdi. Ol boksty damytýǵa óz úlesin qosýǵa ýáde berdi», - dep habarlady oblystyq sporttyń baspasóz qyzmeti.
Aita keteiik, Galib Djafarov buǵan deiin Batys Qazaqstan oblysynyń Olimpiada rezervterin daiarlaý ortalyǵynyń direktory qyzmetin atqarǵan-dy.
