Qazaqstandyq boksshy Tursynbai Qulahmet Reseidiń Ekaterinbýrg qalasynda ótip jatqan bokstan álem chempionatynyń shirek finalyna joldama aldy, dep habarlaidy "Ult aqparat".
Qazaqstandyq boksshy búgin AQSh-tan kelgen Haver Martinespen qolǵap túiistirgen edi. Jekpe-jek úsh raýndqa sozyldy. Tursynbai qarsylasyn aiqyn basymdyqpen jeńdi. Tóreshilerdiń barlyǵy onyń jeńisine qoldaý bildirdi.
Esterińizge sala ketelik, Tursynbai álem chempionatynda ekinshi kezdesýin ótkizdi. Ol alǵashqy kezdesýinde chehiialyq Milosh Bartldy qapy qaldyrdy.
Sondai-aq, búgin álem chempionatynda Abylaihan Júsipov (69 keli) tailandtyq Výttichai Masýkty jeńdi. Nátijesinde shirek finalǵa joldama aldy.
Álem chempionaty 9 qyrkúiekte bastaldy. Dúbirli doda 21 qyrkúiekte máresine jetedi.
