Serbiianyń Belgrad qalasynda ótip jatqan bokstan álem chempionatynyń kezekti jarys kúni aiaqtalýǵa jaqyn. Búgin sharshy alańǵa shyqqan qazaqstandyq boksshylardyń barlyǵy da jeńiske jetti.
Qazaqstan sapynan sońǵy bop judyryqtasqan Aslanbek Shymbergenov (71 keli) ózbekstandyq Shahram Giiasovpen kezdesti.
Eki boksshy arasyndaǵy tartysty jekpe-jekte Shymbergenovtiń basymdyǵy kózge aiqyn kórinip turdy. Ol qarsylasqa soqqylaryn jii darytty.
Birinshi raýnd qazaqstandyq boksshynyń basymdyǵymen aiaqtaldy. Ekinshi raýndta tórt tóreshi Aslanbekke senim bildirse, bireýi ózbek boksshysyna qoldaý kórsetti. Úshinshi raýndta da otandasymyz óziniń myqtylyǵyn tanytty.
Endi Aslanbek 1/8 finalda germaniialyq Magomed Shachidovpen qolǵap túiistiredi.
Aita keteiik, Shahram Giiasov - tájiribeli boksshylardyń biri. 2016 jyly Rio olimpiadasynda «kúmis» alsa, 2017 jyly Álem jáne Aziia chempionatynda altynnan alqa taqty.
