Otandasymyz Mahmud Sabyrhan bokstan álem chempionatynyń finalyna shyqty, dep habarlaidy "Ult aqparat".
Belgradta ótip jatqan álemdik dodanyń 1/2 finalynyń jekpe-jekteri jalǵasýda. 54 keli salmaq dárejesinde judyryqtasqan qazaqstandyq boksshy jartylai finalda qarsylasynan basym tústi.
Ol úndistandyq Akash Kýmardy aiqyn jeńip, álem chempionatynyń finalyna joldama aldy.
Birinshi raýndta qazaqstandyq bylǵary qolǵap sheberi qarsylasynan áldeqaida myqty ekenin kórsetti. Ekinshi raýndta Mahmud qarsylasynan 4:1 esebimen basym tústi. Úshinshi raýndta da sol qarqynynan tanǵan joq. Osylaisha ol finalǵa shyǵyp otyr.
Aita keteiik, buǵan deiin 48 kelide judyryqtasqan Temirtas Júsipov te finalǵa shyqqan bolatyn.
Belgrad sharshy alańynda finaldyq joldamany sarapqa salý úshin Qazaqstan sapynan taǵy úsh sportshy shyǵady. Olar: Abylaihan Júsipov, Serik Temirjanov jáne Sáken Bibosynov.
