Bokstan Reseidiń Ekaterinbýrg qalasynda ótetin álem chempionatynda el namysyn qorǵaityn boksshylardyń esimderi belgili boldy, dep habarlaidy QazAqparat.
Bokstan Qazaqstan Ulttyq quramasynyń bas bapkeri Ǵalymbek Kenjebaev ál birinshiliginde kimderge senim artyp otyrǵanynagenttik tilshisine aitty.
«Boksshylarymyz úshin biylǵy jyldyń basty dodasy alda Reseide ótetin – álem chempionaty. Biz – daiynbyz», - dedi bapker.
Álem chempionatyna 8 boksshy barady.
«Jalpy, birinshilikke 8 salmaqta ár salmaqtan bir-bir boksshy aparýdy jón dep sanadyq. Atap aitar bolsaq, 52 kelide Sáken Bibosynov, 57 kelide Qairat Eráliev, 63 kelde Zákir Safiýllin synǵa tússe, qazaqtyń salmaǵy atanyp ktken «69 kelide» Abylaihan Júsipov, 75 kelide sońǵy Aziia oiyndarynda jasyndai jarqyrap, chempion atanǵan Tursynbai Qulahmetke senim artyp otyrmyz. Al 81 keli salmaqta Bekzat Nurdáýletov, 91 kelide Vasilii Levit sharshy alańǵa shyǵatyn bolady. Al asa aýyr salmaqta komanda kapitany Qamshybek Qońqabaev el namysyn qorǵaidy», - dep atap ótti bas bapker.
Aita keteiik, bokstan álem chempionaty 8-22 qyrkúiek aralyǵynda Reseidiń Ekaterinbýrg qalasynda ótedi.
