بوكستان رەسەيدٸڭ ەكاتەرينبۋرگ قالاسىندا ٶتەتٸن ەلەم چەمپيوناتىندا ەل نامىسىن قورعايتىن بوكسشىلاردىڭ ەسٸمدەرٸ بەلگٸلٸ بولدى, دەپ حابارلايدى قازاقپارات.
بوكستان قازاقستان ۇلتتىق قۇراماسىنىڭ باس باپكەرٸ عالىمبەك كەنجەباەۆ ەل بٸرٸنشٸلٸگٸندە كٸمدەرگە سەنٸم ارتىپ وتىرعانىناگەنتتٸك تٸلشٸسٸنە ايتتى.
«بوكسشىلارىمىز ٷشٸن بيىلعى جىلدىڭ باستى دوداسى الدا رەسەيدە ٶتەتٸن – ەلەم چەمپيوناتى. بٸز – دايىنبىز», - دەدٸ باپكەر.
ەلەم چەمپيوناتىنا 8 بوكسشى بارادى.
«جالپى, بٸرٸنشٸلٸككە 8 سالماقتا ەر سالماقتان بٸر-بٸر بوكسشى اپارۋدى جٶن دەپ سانادىق. اتاپ ايتار بولساق, 52 كەلٸدە سەكەن بيبوسىنوۆ, 57 كەلٸدە قايرات ەرەليەۆ, 63 كەلدە زەكٸر سافيۋللين سىنعا تٷسسە, قازاقتىڭ سالماعى اتانىپ كتكەن «69 كەلٸدە» ابىلايحان جٷسٸپوۆ, 75 كەلٸدە سوڭعى ازييا ويىندارىندا جاسىنداي جارقىراپ, چەمپيون اتانعان تۇرسىنباي قۇلاحمەتكە سەنٸم ارتىپ وتىرمىز. ال 81 كەلٸ سالماقتا بەكزات نۇردەۋلەتوۆ, 91 كەلٸدە ۆاسيليي لەۆيت شارشى الاڭعا شىعاتىن بولادى. ال اسا اۋىر سالماقتا كوماندا كاپيتانى قامشىبەك قوڭقاباەۆ ەل نامىسىن قورعايدى», - دەپ اتاپ ٶتتٸ باس باپكەر.
ايتا كەتەيٸك, بوكستان ەلەم چەمپيوناتى 8-22 قىركٷيەك ارالىعىندا رەسەيدٸڭ ەكاتەرينبۋرگ قالاسىندا ٶتەدٸ.
