Qazaqstandyq boksshy Temirtas Júsipov Belgradta ótip jatqan álem chempionatynyń finalyna joldama aldy, dep habarlaidy "Ult aqparat".
Búgin Serbiia astanasynda bokstan álem chempionatynyń jartylai finaldyq jekpe-jekteri bastaldy.
48 keli salmaq dárejesinde otandasymyz Temirtas Júsipov Belarýs sportshysy Evgenii Karmilchikpen kezdesti.
Birinshi raýndta bes tóreshiniń úsheýi qazaqstandyqqa qoldaý bildirse, ekeýi Belarýs boksshysyna senim artty. Al, ekinshi raýnd Temirtastyń basymdyǵymen aiaqtaldy.
Osylaisha, tartysty jekpe-jek 5:0 esebimen qazaq boksshysynyń paidasyna sheshildi.
Temirtas biylǵy álem chempionatynyń finalyna shyqqan alǵashqy qazaqstandyq sportshy atanyp otyr.
Aita keterligi, álem chempionatynyń jartylai finalynda Qazaqstan sapynan taǵy tórt sportshy qolǵap túiistiredi. Olar: Sabyrhan Mahmud, Sáken Bibosynov, Serik Temirjanov jáne Abylaihan Júsipov.
