Polshanyń Keltse qalasynda ótip jatqan jastar arasyndaǵy álem chempionatynda qazaqstandyq Dana Didai kúmis júldeger atandy, dep habarlaidy "Ult aqparat".
D.Didai 75 kg salmaqta sońǵy básekede úndistandyq Sanamacha Chaný Tokchommen judyryqtasty.
Óte tartysty órbigen jekpe-jekte jeńis tóreshilerdiń sheshimimen (3:2) úndilik boksshyǵa berildi.
Dana osy birinshilik barysynda ádiletsizdiktiń qurbany bolyp kete jazdady. Onyń majarstandyq Boglarka Vargamen jekpe-jeginde tóreshiler jeńisti áýeli qarsylasyna bergen edi. Degenmen qazaqstandyqtar narazylyq bergennen keiin sheshim qaita qaralyp, ádildik saltanat qurdy.
Osylaisha qazaqstandyq qyzdar bul chempionatta eki kúmis, úsh qola medalǵa ie boldy.
