Serbiia astanasy Belgrad qalasynda ótip jatqan bokstan álem chempionatynda búgin el quramasynan Bek Nurmaǵambet alǵashqy jekpe-jeginde jarys jolynan shyǵyp qaldy, dep habarlaidy QazAqparat.
Bek Nurmaǵambet (86 keli) 1/16 finalda braziliialyq Keno Machadomen sheberlik baiqasty.
Jekpe-jek barysynda braziliialyq boksshy laiyqty qarsylyq kórsetti. Alǵashqy eki raýndta ol basymdyq tanytty. Jalpy nátije boiynsha Bek Nurmaǵambet qaosylasyna ese jiberip, jarystan shyǵyp qaldy.
1998 jyly Túrkistan oblysynda dúniege kelgen B.Nurmaǵambet buǵan deiin jastar arasyndaǵy álem chempionatynda ekinshi oryn aldy.
Álem chempionatyna 13 boksshy keldi.
Olardyń arasynda Sáken Bibosynov (51 keli), Serik Temirjanov (57 keli), Abylaihan Júsipov (67 keli), Nurqanat Raiys (75 keli alǵashqy jekpe-jeginde jeńiske jetti.
Sondai-aq, búgin Aslanbek Shymbergenov (71 keli) irandyq qarsylasynan basym tústi.
Endi aldaǵy kúnderde Temirtas Júsipov (48 keli), Mahmýd Sabyrhan (54 keli), Samatali Tóltaev (60 keli), Sanatali Tóltaev (63,5 keli), Nurbek Oralbai (80 keli), Aibek Oralbai (92 keli) men Nurlan Saparbai (92 keliden joǵary) el namysyn qorǵaidy.
Álem chempionaty 6 qarashada máresine jetedi.
