Qazaqstan quramasy 2021 jyly Belgradta ótken álem chempionatynda Sanatáli Tóltaevtyń shotlandiialyq Riza Linchke qarsy shirek finaldaǵy jekpe-jeginde tóreshilerdiń sheshimine shaǵymdandy, dep habarlaidy QazAqparat Sports.kz saityna silteme jasap.
Qazaqstandyq komanda osy jekpe-jektiń nátijesin appeliatsiiaǵa berdi. Bul týraly Instagram-da bokstan QR quramasynyń memlekettik jattyqtyrýshysy Baqtiiar Artaev jazdy.
Eske sala keteiik, Tóltaev pen Linchtiń 1/4 finaldaǵy 63,5 kelige deiingi salmaq dárejesindegi aiqasynda shotlandiialyq boksshy jeńiske jetti (3:2), biraq bul sheshim daý týdyrǵan bolatyn.
ÁCh-2021 shirek finalyna shyqqan on qazaqstandyq boksshynyń tek beseýi jartylai finalǵa joldama aldy, olar: Temirtas Júsipov (48 kg), Sáken Bibosynov (51 kg), Mahmud Sabyrhan (54 kg), Serik Temirjanov (57 kg) jáne Abylaihan Júsipov (67 kg).
