Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Sport

Bokstan ÁCh finalynda qazaqstandyqtyń jeńisinen keiin AIBA jemqorlyq jasady degen aiyp taǵyldy

Ult portaly
Bokstan ÁCh finalynda qazaqstandyqtyń jeńisinen keiin AIBA jemqorlyq jasady degen aiyp taǵyldy


Jeńil salmaqta WBO tujyrymy boiynsha álem chempiony amerikalyq Shakýr Stivenson 2021 jyly Belgradta ótken álem chempionatynda otandasy Rosko Hill men qazaqstandyq Sáken Bibosynovtyń sheshýshi jekpe-jegi týraly aitty, - dep habarlaidy Tengrinews.kz tilshisi Vesti.kz saityna silteme jasap.

Sol jekpe-jekte tóreshilerdiń biraýyzdan qabyldaǵan sheshimi boiynsha Bibosynov Qazaqstanǵa 2021 jylǵy álem chempionatynyń ekinshi "altynyn" ákeldi.

Alaida Stivenson buǵan kelispeidi jáne Halyqaralyq boks qaýymdastyǵyn (AIBA) jemqorlyqqa qatysy bar dep aiyptady.

"Men Rosko Hill ekinshi jáne úshinshi raýndtarda jeńdi dep oiladym. Biraq tóreshiler basqalardy soqyr dep oilady-aý. Ol shynymen, jaqsy jekpe-jek kórsetti, men ony ekinshi jáne úshinshi raýndtarda jeńdi dep oiladym. Birinshi raýndtaǵy 10:8 dgen esep sumdyq - AIBA-da áli de jemqorlyq bar!" - dep jazdy Stivenson Twitter-de.

Oǵan 2019 jylǵy álem chempionatynyń jáne 2020 jylǵy Olimpiadanyń kúmis júldegeri, amerikalyq boksshy Kishon Devis te qoldaý kórsetti.

"Olar, árine, álem chempionatynda Rosko Hilldi aldady. Bul sheshim oiǵa syimaidy, jeńis kimge tiesili ekeni aidan anyq. Áýesqoi júie bolǵandyqtan, ony eshkim aityp jatqan joq", - dedi Devis Twitter-de.

Eske salaiyq, bokstan Belgradta ótken álem chempionatynda Qazaqstan júldeli úshtikke endi. Úsh álem chempiony bar Kýba quramasy týrnirlik kestede birinshi orynǵa taban tiredi. Qazaqstandyq boksshylar eki "altyn", eki "kúmis" jáne bir qola medal jeńip aldy. AQSh sportshylary medaldyq esepte úshinshi orynǵa taban tiredi.

Oqi otyryńyz