Belgili qazaqstandyq boksshy Janqosh Turarov sot aldynda jaýap beredi, dep habarlaidy QazAqparat tilshisi.
Sportshyǵa birneshe adammen birigip buzaqylyq jasady degen aiyp taǵylyp otyr.
«Sot kabineti» resýrsyndaǵy aqparatqa súiensek, əkimshilik is Almaly aýdandyq sotynda qarastyrylyp jatyr.
«Is materialdaryna səikes, 2018 jyldyń 25 mamyrynda keshki saǵat 19:00-der shamasynda J.Turarov men D.Mahambet «SkyBar» túngi baryna dostary Otarbaevpen jolyǵýǵa kelgen.
Túngi klýbqa kire beriste Turarov pen klýbtyń qaýipsizdik qyzmetkerleri Alqojaev pen Jarylqasynov sózge kelip qalǵan. Eki aradaǵy daý-janjal basylmai kerisinshe údei túsken. Kóp uzamai jigitter klýb syrtyndaǵy aýlalardyń birine bettegen. Jarylqasynov birinshi bolyp Turarov jaqqa travmatikalyq tapanshadan bir ret oq atady. Sonda syrttan baqylap turǵan Otarbaev «Streamer» travmatikalyq tapanshasynan birneshe ret oq atqan. Oq atýdan soń jastar judyryqtasýǵa kóshken», - dedi Almaty qalalyq sotynyń baspasóz qyzmeti.
Qazir əkimshilik sotta QR QK 293 - babynyń 2 - bólimimen, 287 - babynyń 2 - bólimimen Alqojaev, K.Otarbaev, N.Jarylqasynov jaýap berip jatyr. Al Turarov pen Mahambetke QR QK 293 - babynyń 2 - bólimi boiynsha aiyp taǵyldy.
