بەلگٸلٸ قازاقستاندىق بوكسشى جانقوش تۇراروۆ سوت الدىندا جاۋاپ بەرەدٸ, دەپ حابارلايدى قازاقپارات تٸلشٸسٸ.
سپورتشىعا بٸرنەشە اداممەن بٸرٸگٸپ بۇزاقىلىق جاسادى دەگەن ايىپ تاعىلىپ وتىر.
«سوت كابينەتٸ» رەسۋرسىنداعى اقپاراتقا سٷيەنسەك, əكٸمشٸلٸك ٸس المالى اۋداندىق سوتىندا قاراستىرىلىپ جاتىر.
«ٸس ماتەريالدارىنا سəيكەس, 2018 جىلدىڭ 25 مامىرىندا كەشكٸ ساعات 19:00-دەر شاماسىندا ج.تۇراروۆ مەن د.ماحامبەت «SkyBar» تٷنگٸ بارىنا دوستارى وتارباەۆپەن جولىعۋعا كەلگەن.
تٷنگٸ كلۋبقا كٸرە بەرٸستە تۇراروۆ پەن كلۋبتىڭ قاۋٸپسٸزدٸك قىزمەتكەرلەرٸ القوجاەۆ پەن جارىلقاسىنوۆ سٶزگە كەلٸپ قالعان. ەكٸ اراداعى داۋ-جانجال باسىلماي كەرٸسٸنشە ٷدەي تٷسكەن. كٶپ ۇزاماي جٸگٸتتەر كلۋب سىرتىنداعى اۋلالاردىڭ بٸرٸنە بەتتەگەن. جارىلقاسىنوۆ بٸرٸنشٸ بولىپ تۇراروۆ جاققا تراۆماتيكالىق تاپانشادان بٸر رەت وق اتادى. سوندا سىرتتان باقىلاپ تۇرعان وتارباەۆ «Streamer» تراۆماتيكالىق تاپانشاسىنان بٸرنەشە رەت وق اتقان. وق اتۋدان سوڭ جاستار جۇدىرىقتاسۋعا كٶشكەن», - دەدٸ الماتى قالالىق سوتىنىڭ باسپاسٶز قىزمەتٸ.
قازٸر əكٸمشٸلٸك سوتتا قر قك 293 - بابىنىڭ 2 - بٶلٸمٸمەن, 287 - بابىنىڭ 2 - بٶلٸمٸمەن القوجاەۆ, ك.وتارباەۆ, ن.جارىلقاسىنوۆ جاۋاپ بەرٸپ جاتىر. ال تۇراروۆ پەن ماحامبەتكە قر قك 293 - بابىنىڭ 2 - بٶلٸمٸ بويىنشا ايىپ تاعىلدى.
