Qazaq boksshysy Zákir Safiýllin Tokio Olimpiadasynda shirek finaldyq jekpe-jegin ótkizdi, dep habarlaidy "Ult aqparat".
63 kilogramm salmaq dárejesindegi Safiýllin aýstraliialyq Gari Garsaidpen judyryqtasty. Birinshi raýndta qazaq boksshysy basym tústi. Al ekinshi raýndta qarsylasy tarazy basyn teńestirip aldy. Úshinshi raýndta tóreshiler aýstraliialyq boksshyǵa joǵary upai berdi. Qorytyndy esep – 2:3. Osylaisha Zákir Safiýllin jartylai finalǵa shyǵa almady.
Birinshi irikteý kezeńinde otandasymyz perýlik Leodan Pezony 5:0 esebimen jeńse, odan keiin japoniialyq Daisýke Narimatsý densaýlyq jaǵdaiyna bailanysty sharshy alańǵa shyǵýdan bas tartty.
Aita keteiik, keshe Qamshybek Qońqabaev (91 kilogramnan joǵary) reseilik boksshyny jeńip, jartylai finalǵa ótken bolatyn. Búgin Sáken Bibosynov (52 kilogramm) ta jartylai finalǵa shyqty.
