قازاق بوكسشىسى زەكٸر سافيۋللين توكيو وليمپياداسىندا شيرەك فينالدىق جەكپە-جەگٸن ٶتكٸزدٸ, دەپ حابارلايدى "ۇلت اقپارات".
63 كيلوگرامم سالماق دەرەجەسٸندەگٸ سافيۋللين اۋسترالييالىق گاري گارسايدپەن جۇدىرىقتاستى. بٸرٸنشٸ راۋندتا قازاق بوكسشىسى باسىم تٷستٸ. ال ەكٸنشٸ راۋندتا قارسىلاسى تارازى باسىن تەڭەستٸرٸپ الدى. ٷشٸنشٸ راۋندتا تٶرەشٸلەر اۋسترالييالىق بوكسشىعا جوعارى ۇپاي بەردٸ. قورىتىندى ەسەپ – 2:3. وسىلايشا زەكٸر سافيۋللين جارتىلاي فينالعا شىعا المادى.
بٸرٸنشٸ ٸرٸكتەۋ كەزەڭٸندە وتانداسىمىز پەرۋلٸك لەودان پەزونى 5:0 ەسەبٸمەن جەڭسە, ودان كەيٸن جاپونييالىق دايسۋكە ناريماتسۋ دەنساۋلىق جاعدايىنا بايلانىستى شارشى الاڭعا شىعۋدان باس تارتتى.
ايتا كەتەيٸك, كەشە قامشىبەك قوڭقاباەۆ (91 كيلوگرامنان جوعارى) رەسەيلٸك بوكسشىنى جەڭٸپ, جارتىلاي فينالعا ٶتكەن بولاتىن. بٷگٸن سەكەن بيبوسىنوۆ (52 كيلوگرامم) تا جارتىلاي فينالعا شىقتى.
