Ishki ister ministrligi kásipqoi boksshy Beibit Shúmenovke qatysty qylmystyq istiń toqtaǵanyn málimdedi.
"Astana qalasy Esil aýdanynyń Politsiia bólimi atalǵan azamatqa qatysty «buzaqylyq» boiynsha sotqa deiingi tergeý amaldaryn júrgizdi. Qazirgi ýaqytta bul tulǵaǵa qatysty qylmystyq is pen qylmystyq qýdalaý taraptardyń tatýlasýyna bailanysty toqtady", – delingen ministrlik habarlamasynda.
Eske salsaq, 2023 jyldyń maýsym aiynda Astanadaǵy saýda ortalyqtarynyń birinde boksshy Beibit Shúmenov tóbelesken edi. Jelidegi tóbelestiń videosy tarady. Videodan Shúmenov qolynda balasy bar er adamdy soqqyǵa jyqqan. Keiin boksshyǵa izdeý jariialandy.
