Iordaniia astanasy Amman qalasynda bokstan Aziia chempionatynda jasóspirimder arasynda ótken jarys jeńimpazdary anyqtaldy, dep habarlaidy QazAqparat.
Qazaqstandyq sportshylar uldar men qyzdar arasynda 6 altyn, 7 kúmis, 9 qola medal aldy. Nátijesinde jalpy komandalyq esepte úshinshi orynǵa turaqtady.
El quramasynan altyn medalǵa uldardan Aidar Qadyrhan (52 keli), Tórehan Sabyrhan (57 keli), Ahmet Úsen (63 keli) jáne Sanjar-Áli Begaliev (66 keli) qyzdardan Arýjan Jańabaeva (66 keli) jáne Quralai Eginbaiqyzy (80 keli) chempiondyq tuǵyrǵa kóterildi.
Ózbekstan boksshylary 11 altyn, 6 kúmis jáne 3 qola medal alyp, jalpy komandalyq esepte kósh bastady. Al ekinshi orynǵa turaqtaǵan Úndistan jastary 8 altyn, 7 kúmis jáne 10 qola medal aldy.
Aita ketsek, búgin, 14 naýryzda qurlyqtyq dodada jastar arasynda finaldyq jekpe-jekter ótkiziledi. El quramasynan barlyǵy 14 boksshy synǵa túsedi.
