Boks jankúierleri qazaqstandyq tanymal boksshy Jánibek Álimhanulynyń kásibi ringtegi basty jekpe-jegin tikelei efirden tamashalai alady.
Bul týraly Qazaqstannyń kásibi boks jańalyqtary Instagram paraqshasynan málim boldy, dep habarlaidy "Ult aqparat".
Jelidegi aqparatqa qaraǵanda, 27 maýsym, jeksenbi kúni qazaqstandyq boksshy Jánibek Álimhanuly (9-0, 5KO) óziniń karerasyndaǵy eń basty kezdesýin AQSh-ta ótkizedi.
Las-Vegasta (Nevada shtaty) Jánibek WBA nusqasy boiynsha eks álem chempiony AQSh ókili Rob Brantpen (26-2, 18KO) kezdesedi. Kezdesýdiń tikelei transliatsiiasy Nur-Sultan ýaqyty boiynsha saǵat 08:00-de bastalady jáne «Habar» telearnasynan kórsetiledi.
Aita keteiik, Jánibek óziniń sońǵy kezdesýin ótken jyldyń qazan aiynda Las-Vegasta ótkizip, argentinalyq Gonsalo Koriany (16-4, 6KO) ekinshi raýndta nokaýtqa túsirgen bolatyn.
