Bokstan Belgradta ótip jatqan álem chempionatynda Qazaqstan quramasynyń qorjynyna alǵashqy altyn tústi, dep habarlaidy "Ult aqparat".
48 kelide judyryqtasqan Temirtas Júsipov finalda tailandyq Výttichai Iýrachaimen judyryqtasty.
Birinshi raýnd qazaqstandyq boksshysynyń basymdyǵymen ótip, tóreshiler 3:2 esebin tirkedi. Ekinshi raýndta olar túgeldei Temirtastyń jeńgenin moiyndady. Al, úshinshi kezeńde otandasymyz qarsylasyn nokdaýnǵa jiberip, óziniń myqtylyǵyn dáleldei tústi.
Osylaisha, Júsipov 5:0 esebimen jeńiske jetti.
Temirtas salqynqandylyǵynan tanbai, tailandtyq boksshyǵa artyq soqqy jumsatpai, úsh raýndty da bir demmen ótkizdi.
Aita ketelik, qazaqstandyq boksshy buǵan deiin álem chempionattarynda júlde almaǵan. Ol - Aziia chempiony, áskeriler arasyndaǵy álem chempiony jáne Qazaqstannyń bes dúrkin chempiony.
Temirtas álem chempiony ataǵyn 33 jasynda jeńip alyp otyr.
