Foto: ashyq derekkóz
Májilis depýtaty Samat Nurtaza Parijde ótip jatqan Olimpiada týraly pikir bildirdi. Kelesi Olimpiadada jaqsy nátijege jetý úshin, onyń oiynsha, sportshylar daiyndyqty biylǵy kúzden bastaýy kerek.
"Olimpiada aiaqtalǵan soń, álbette, analiz jasalady. Bapkerlerdiń qateleri, sportshylardyń kemshilikteri, álsiz jerleri, kúsheite alatyn jerleri degen siiaqty. 2028 jyly ótetin Los-Andjelestegi Olimpiadaǵa daiyndyq biylǵy kúzden bastalý kerek dep oilaimyn. Sport salasynda bir kózge kórinbeitin problema bar siiaqty seziledi. Bireýler din máselesine silteidi, bireýler korrýptsiia deidi. Bilmeimin. Maman emespin. Jankúiermin. Biletinim, Los-Andjeleste minimým 3 altyn alýymyz kerek. Bul MINIMÝM", - dep jazdy ol.
Ol biylǵy Olimpiadada qoǵam kútpegen sport túrleri nátije berip jatqanyna toqtaldy. Boks pen kúreske aktsent qoia beretin zaman ketken siiaqty, dep esepteidi ol.
"Talanttardy ár sporttan izdeýmiz kerek. Gimnastika, Myltyq atý, badminton, qaiyq, taýǵa shyǵý, ziltemir tastaý siiaqty sport túrleri jetim balanyń kúiin keshýde. Qoldaý jetispeidi", - dep atap ótti Samat Nurtaza.
Depýtattyń pikirinshe, memlekettiń qoldaýy men nátijeler sáikes emes. Memleket qarajatty bólip jatyr, sport keshenderin salyp jatyr. Áli de salady.
"Qazaqstan halqy - daryndy halyq. Sol daryndardy izdep, taýyp, jónge salyp baptaý - sport salasynyń atqaminer aǵalarymyzdyń quzyrynda. Jaqsylyqqa seneiik. Basqa aitar sóz joq. Sol baiaǵy úmit", - dep qorytyndylady Nurtaza.
