Bokstan Belgradta ótip jatqan álem chempionatynda Qazaqstan quramasynyń qorjyny kúmis júldemen tolyqty. El úmit kútken 20 jastaǵy Mahmud Sabyrhan álemdik syndy ekinshi orynmen aiaqtady, dep habarlaidy "Ult aqparat".
54 kelige deiingi salmaqta synǵa túsken Mahmud finalda japondyq Tamoia Tsýboidan 0:5 esebimen utyldy.
Atalǵan jekpe-jek Mahmud Sabyrhan úshin úlken tájiribe bolǵany anyq. Álem chempionaty barysynda mamandar men jankúierlerden joǵary baǵa alǵan qazaq boksshysy finalda jastyǵy men tájiribeniń azdyǵynan qarsylasyna jol berdi.
Birinshi raýndta Mahmud azdaǵan basymdyqpen jeńiske jetkenimen, qalǵan eki raýndta japondyq boksshynyń soqqylary dál ári myqtyraq boldy.
Bul - otandasymyz qatysyp otyrǵan alǵashqy álem chempionaty. 20 jasynda álem chempionatynyń finalynda synǵa túskeni - Mahmudtyń talantty boksshy ekeniniń dáleli.
