Qazaqstandyq boksshy Dáýlet Tólemisov Dýbaida (BAÁ) ótip jatqan bokstan jastar men jasóspirimder arasyndaǵy Aziia chempionatynda jartylai finalda aiqasty. Bul týraly QazAqparat Sports.kz-ke silteme jasap habarlaidy.
Tólemisov 75 kelige deiingi salmaq dárejesinde jasóspirimder týrnirinde (2005-2006 jj.) ózbekstandyq Mizrob Nekboevpen jekpe-jekke shyqty. Ókinishke orai, tóreshilerdiń sheshimimen ózbekstandyq boksshy jeńimpaz atandy. Osylaisha, Dáýlet Tólemisov týrnirdi qola medalmen aiaqtady.
Aita keteiik, búgin Qazaqstan jasóspirimderdiń jartylai finalynda Ózbekstannan qatarynan úsh aiqasta jeńilis tapty. Buǵan deiin qazaqstandyq boksshylar eki retsúringen bolatyn: Ilia Kalinin (50 kg) Hodjiakbar Mahmýdovke, al Madiiar Taipaqov (60 kg) Djavohir Ýmmatalievke ese jiberdi.
