قازاقستاندىق بوكسشى دەۋلەت تٶلەمٸسوۆ دۋبايدا (باە) ٶتٸپ جاتقان بوكستان جاستار مەن جاسٶسپٸرٸمدەر اراسىنداعى ازييا چەمپيوناتىندا جارتىلاي فينالدا ايقاستى. بۇل تۋرالى قازاقپارات Sports.kz-كە سٸلتەمە جاساپ حابارلايدى.
تٶلەمٸسوۆ 75 كەلٸگە دەيٸنگٸ سالماق دەرەجەسٸندە جاسٶسپٸرٸمدەر تۋرنيرٸندە (2005-2006 جج.) ٶزبەكستاندىق ميزروب نەكبوەۆپەن جەكپە-جەككە شىقتى. ٶكٸنٸشكە وراي, تٶرەشٸلەردٸڭ شەشٸمٸمەن ٶزبەكستاندىق بوكسشى جەڭٸمپاز اتاندى. وسىلايشا, دەۋلەت تٶلەمٸسوۆ تۋرنيردٸ قولا مەدالمەن اياقتادى.
ايتا كەتەيٸك, بٷگٸن قازاقستان جاسٶسپٸرٸمدەردٸڭ جارتىلاي فينالىندا ٶزبەكستاننان قاتارىنان ٷش ايقاستا جەڭٸلٸس تاپتى. بۇعان دەيٸن قازاقستاندىق بوكسشىلار ەكٸ رەتسٷرٸنگەن بولاتىن: يليا كالينين (50 كگ) حودجياكبار ماحمۋدوۆكە, ال مادييار تايپاقوۆ (60 كگ) دجاۆوحير ۋمماتاليەۆكە ەسە جٸبەردٸ.
