Bokstan Belgradta ótip jatqan álem chempionatynda qazaqstandyq Sáken Bibosynov shirek finalǵa shyqty, dep habarlaidy "Ult aqparat".
51 kelide synǵa túsken Bibosynov 1/8 ainalymda úndistandyq Dipakpen kezdesken bolatyn. Otandasymyz tartysty jekpe-jekte 5:0 esebimen jeńiske jetti.
Aita ketelik, birinshi kezdesýde Sáken belgili ózbekstandyq boksshy Hasanbai Dosmatovty jeńgen edi.
Sondai-aq, búgin Serik Temirjanov (57 keli) úndistandyq Rohit Mordy jeńip, jarystyń kelesi satysyna shyqty.
Odan keiin Abylaihan Júsipov shirek final joldamasyn ielendi.
Al Nurqanat Raiys (75 keli) aýǵanstandyq Sýliman Aslamidi tize búktirdi.
