Tokio Olimpiadasynda 75 keli salmaqta Qazaqstannyń namysyn qorǵaityn Ábilhan Amanquldyń eski jaraqaty taǵy syr bermei me? Bokstan Qazaqstan erler quramasynyń bas bapkeri Ǵalymbek Kenjebaevqa BAQ ókilderi Zoom arqyly ótken tikelei bailanysta osyndai suraq qoidy, dep habarlaidy QazAqparat.
«Ábilhan Amanquldyń jaraqaty bolǵany ras. Biraq emdeldi. Sankt-Peterbýrgtegi jarysta jaraqat alyp, biz ony ári qarai shyǵarǵan joqpyz. Osy Olipiadaǵa jaqsy daiyndalýy kerek boldy. Odan keiin Aziia chempionatynda jaqsy oinap shyqty. Qoly syr bergen joq. Ol jaraqaty qazir mazalap júrgen joq. Jekpe-jekterden keiin qalai bolatynyn kóremiz. Negizi daiyndyǵy jaqsy», - dedi bapker.
Ǵalymbek Kenjebaev «Qazaqstannyń salmaǵy» atanyp ketken 69 kelide baq synaityn Abylaihan Júsipovtiń daiyndyǵy týraly da aitty.
«69 kelini Qazaqstannyń salmaǵy dep bári aityp júr ǵoi. Ol salmaq negizi Qazaqstanda paida bolǵan joq, Qazaqstandiki dep aitatyndai. Óitkeni Olimpiada bálen jyldan beri ótip kele jatyr. Iá, sońǵy Olimpiadalarda osy salmaqtan altyn medal alyp júrmiz. Sol dástúrdi jalǵastyrsaq degen úmit bar bárimizde. Qazir Abylaihannyń deni saý, bári jaqsy, daiyndyǵy jaman emes. Birinshi jekpe-jegi ótsin. Ári qarai kóre jatarmyz. Biylǵy 69 kelini óte myqty salmaq dep aitýǵa bolady. Ózderińiz de kórip otyrsyzdar. Kýbanyń myqty boksshysy bar, Angliianyń boksshysy da osal emes, álem chemipony Zamkovoi bar. Rioda kúmis medal alǵan boksshy Ázerbaijan atynan shyǵyp jatyr. Solardyń bári 69 kelini báseke óte myqty salmaq etip tur. Biraq Abylaihan da olardan osal emes», - dedi bas bapker.
