توكيو وليمپياداسىندا 75 كەلٸ سالماقتا قازاقستاننىڭ نامىسىن قورعايتىن ەبٸلحان امانقۇلدىڭ ەسكٸ جاراقاتى تاعى سىر بەرمەي مە? بوكستان قازاقستان ەرلەر قۇراماسىنىڭ باس باپكەرٸ عالىمبەك كەنجەباەۆقا باق ٶكٸلدەرٸ Zoom ارقىلى ٶتكەن تٸكەلەي بايلانىستا وسىنداي سۇراق قويدى, دەپ حابارلايدى قازاقپارات.
«ەبٸلحان امانقۇلدىڭ جاراقاتى بولعانى راس. بٸراق ەمدەلدٸ. سانكت-پەتەربۋرگتەگٸ جارىستا جاراقات الىپ, بٸز ونى ەرٸ قاراي شىعارعان جوقپىز. وسى وليپياداعا جاقسى دايىندالۋى كەرەك بولدى. ودان كەيٸن ازييا چەمپيوناتىندا جاقسى ويناپ شىقتى. قولى سىر بەرگەن جوق. ول جاراقاتى قازٸر مازالاپ جٷرگەن جوق. جەكپە-جەكتەردەن كەيٸن قالاي بولاتىنىن كٶرەمٸز. نەگٸزٸ دايىندىعى جاقسى», - دەدٸ باپكەر.
عالىمبەك كەنجەباەۆ «قازاقستاننىڭ سالماعى» اتانىپ كەتكەن 69 كەلٸدە باق سىنايتىن ابىلايحان جٷسٸپوۆتٸڭ دايىندىعى تۋرالى دا ايتتى.
«69 كەلٸنٸ قازاقستاننىڭ سالماعى دەپ بەرٸ ايتىپ جٷر عوي. ول سالماق نەگٸزٸ قازاقستاندا پايدا بولعان جوق, قازاقستاندٸكٸ دەپ ايتاتىنداي. ٶيتكەنٸ وليمپيادا بەلەن جىلدان بەرٸ ٶتٸپ كەلە جاتىر. يە, سوڭعى وليمپيادالاردا وسى سالماقتان التىن مەدال الىپ جٷرمٸز. سول دەستٷردٸ جالعاستىرساق دەگەن ٷمٸت بار بەرٸمٸزدە. قازٸر ابىلايحاننىڭ دەنٸ ساۋ, بەرٸ جاقسى, دايىندىعى جامان ەمەس. بٸرٸنشٸ جەكپە-جەگٸ ٶتسٸن. ەرٸ قاراي كٶرە جاتارمىز. بيىلعى 69 كەلٸنٸ ٶتە مىقتى سالماق دەپ ايتۋعا بولادى. ٶزدەرٸڭٸز دە كٶرٸپ وتىرسىزدار. كۋبانىڭ مىقتى بوكسشىسى بار, انگلييانىڭ بوكسشىسى دا وسال ەمەس, ەلەم چەميپونى زامكوۆوي بار. ريودا كٷمٸس مەدال العان بوكسشى ەزەربايجان اتىنان شىعىپ جاتىر. سولاردىڭ بەرٸ 69 كەلٸنٸ بەسەكە ٶتە مىقتى سالماق ەتٸپ تۇر. بٸراق ابىلايحان دا ولاردان وسال ەمەس», - دەدٸ باس باپكەر.
