Foto: ashyq derekkóz
Ekologiia jáne tabiǵi resýrstar ministrliginiń "Bókeiorda" memlekettik tabiǵi rezervatynyń bas direktoryna qatysty qylmystyq is qozǵaldy, dep habarlaidy Ult.kz.
Batys Qazaqstan oblysy boiynsha Sybailas jemqorlyqqa qarsy qyzmet basshyny biýdjet qarajatyn jymqyrdy degen kúdikpen tekserýde.
Tergeý málimetinshe, ol rezervatta jumys istemegen tulǵaǵa zańsyz jalaqy aýdaryp, iri kólemde qarjy jymqyrdy dep aiyptalýda. Qazirgi ýaqytta kúdikti sottyń sheshimimen qamaýǵa alyndy.
Tergeý júrip jatyr, onyń basqa quqyq buzýshylyqtarǵa qatysy bar-joǵy anyqtalýda. Qylmystyq-protsestik kodekstiń 201-babyna sáikes, tergeý málimetteri qupiia saqtalady.
