Boeing kompaniiasy 737 Max ushaq markasyn qurastyrý jumystary ýaqytsha toqtatylǵanyn málimdedi, dep habarlaidy QazAqparat CNN-ge silteme jasap.
Kompaniia jeltoqsan aiynda ushaq shyǵarý jumystaryn ýaqytsha toqtatý jospary týraly habarlaǵan edi, biraq naqty kúni aitylmaǵan bolatyn.
«Boing jumys toqtatylsa da, qyzmetkerlerdi qysqartý bolmaidy. Olar basqa jobalarǵa aýystyrylady. Azamattyq aviatsiianyń federaldy basqarmasynyń habarlamasynda ushaqtardyń qaýipsizdigi basty nazarda ekeni, basqarma Boeing 737 MAX modifikatsiiasynyń joǵary standarttarǵa sai bolýyn tekserý protsesi muqiiat júrgiziletini aitylǵan», - dep jazady agenttik.
Ázirge tekserý jumystary qashan aiaqtalatyny belgisiz. Byltyr naýryz aiynan bastap 737 Max ushaǵynyń apatynan jalpy 346 adam qaza tapqan. Al Boeing ushaqty klientterge jktýize almasa da, Max ushaqtaryn shyǵarýdy toqtatpaǵan. Kompaniia atalǵan markadan aiyna 42 ushaq shyǵarǵan. Qazirgi tańda Vashington men Tehasta 400 ushaq álemniń túkpir túkpirindegi áýe kompaniialaryna jiberilýge daiyn tur.
