Air Astana Nur-Sultannan Stambýlǵa baǵyt alyp, shuǵyl Atyraýǵa qonǵan ushaqqa qatysty túsinikteme berdi, dep jazady áýekompaniiasynyń Telegram-arnasyndaǵy paraqshasy.
Áýekompaniiasy usynǵan aqparatqa sáikes, 23 qyrkúiekte Nur-Sultan - Stambýl baǵyty boiynsha KC917 reisin oryndaǵan Boeing 767 ushaǵy astana ýaqytymen 19.11-de ushqan.
"Tehnikalyq sebeppen ushaq komandiri Atyraýǵa qoný týraly sheshim qabyldaǵan. Qoný qalypty rejimde Nur-Sultan ýaqytymen 22.20-da boldy. Qazirgi ýaqytta ushaq tekserilip jatyr. Jolaýshylar qonaq úige ornalastyryldy. Búgin jergilikti ýaqytpen 14.00-de Airbus A321 rezervtik bortymen Stambýlǵa ushý josparlanýda", - dep habarlady Air Astana.
