Eýroodaq aýmaǵynda Boeing 737 Max modeldi ushaqtardyń ushýyna ruqsat berildi, dep habarlaidy Euronews agenttigi.
Eýropa aviatsiia qaýipsizdigi agenttigi Boeing 737 Max ushaǵynyń ushýyna endi tyiym salmaidy.
Bul jolaýshylar ushaǵynyń ushýyna 2019 jyldyń naýryzynda, baǵdarlamalyq qamtamasyz etýdiń isten shyǵýynan bolǵan eki áýe apatynan keiin tyiym salynǵan bolatyn.
Eýropalyq regýliator atalmysh ushaqtyń baǵdarlamalyq qamtamasyz etýi, elektronikasy men paidalaný nusqaýlyǵy qalpyna keltirilgen, moditsikatsiialanǵan nusqasy ǵana usha alatynyn naqtylady.
Boeing 737 Max ushaǵyn tizgindeitin búkil ushqysh qaita daiarlyqtan ótýi tiis.
Ótken jyly AQSh federaldy aviatsiia basqarmasy Boeing 737 MAX ushaqtarynyń ushýyna ruqsat bergen bolatyn.
Jolaýshylardy tasymaldaǵan alǵashqy kommertsiialyq reister AQSh pen Braziliiada yń-shyńsyz, tynysh ótti.
Jyl basynda «Boing» korporatsiiasynyń eki áýe apatyna sebep bolǵan is boiynsha 2,5 mlrd dollar ótemaqy men aiyppul tóleitini belgili boldy.
