ەۋرووداق اۋماعىندا Boeing 737 Max مودەلدٸ ۇشاقتاردىڭ ۇشۋىنا رۇقسات بەرٸلدٸ, دەپ حابارلايدى Euronews اگەنتتٸگٸ.
ەۋروپا اۆياتسييا قاۋٸپسٸزدٸگٸ اگەنتتٸگٸ Boeing 737 Max ۇشاعىنىڭ ۇشۋىنا ەندٸ تىيىم سالمايدى.
بۇل جولاۋشىلار ۇشاعىنىڭ ۇشۋىنا 2019 جىلدىڭ ناۋرىزىندا, باعدارلامالىق قامتاماسىز ەتۋدٸڭ ٸستەن شىعۋىنان بولعان ەكٸ ەۋە اپاتىنان كەيٸن تىيىم سالىنعان بولاتىن.
ەۋروپالىق رەگۋلياتور اتالمىش ۇشاقتىڭ باعدارلامالىق قامتاماسىز ەتۋٸ, ەلەكترونيكاسى مەن پايدالانۋ نۇسقاۋلىعى قالپىنا كەلتٸرٸلگەن, موديتسيكاتسييالانعان نۇسقاسى عانا ۇشا الاتىنىن ناقتىلادى.
Boeing 737 Max ۇشاعىن تٸزگٸندەيتٸن بٷكٸل ۇشقىش قايتا دايارلىقتان ٶتۋٸ تيٸس.
ٶتكەن جىلى اقش فەدەرالدى اۆياتسييا باسقارماسى Boeing 737 MAX ۇشاقتارىنىڭ ۇشۋىنا رۇقسات بەرگەن بولاتىن.
جولاۋشىلاردى تاسىمالداعان العاشقى كوممەرتسييالىق رەيستەر اقش پەن برازيلييادا ىڭ-شىڭسىز, تىنىش ٶتتٸ.
جىل باسىندا «بوينگ» كورپوراتسيياسىنىڭ ەكٸ ەۋە اپاتىنا سەبەپ بولعان ٸس بويىنشا 2,5 ملرد دوللار ٶتەماقى مەن ايىپپۇل تٶلەيتٸنٸ بەلگٸلٸ بولدى.
