2022 jyldyń basynan beri Oqý-aǵartý ministrliginiń «Bóbek» ulttyq bilim berý jáne densaýlyq saqtaý ortalyǵynda elimizdiń barlyq aimaǵynan 1000-nan astam kópbalaly, az qamtylǵan otbasylardyń balalary, sondai-aq jetim balalar tegin ońaltý protsedýralarynan ótti, dep habarlaidy vedomstvonyń baspasóz qyzmeti.
Qyrkúiek aiynyń basynan beri «Bóbek» ortalyǵy Pavlodar, Atyraý, Mańǵystaý, Batys Qazaqstan, Aqtóbe, Soltústik Qazaqstan, Qaraǵandy, Shyǵys Qazaqstan, Túrkistan oblystarynan 140 balany, sonyń ishinde Qostanai oblysyndaǵy órt kezinde evakýatsiialanǵan balalardy (31 adam) qabyldaǵan.
«Somatikalyq jáne respiratorlyq aýrýlary bar balalar 22 kúndik saýyqtyrý kýrsynan ótedi. Saýyqtyrý baǵdarlamasynda ósip kele jatqan aǵzanyń fýnktsiialaryn qalpyna keltirýge baǵyttalǵan saýyqtyrýdyń tiimdi jáne qaýipsiz, tabiǵi ádisteri qoldanylady. Bul - 6 mezgildik teńdestirilgen dárýmenderi bar tamaqtaný rejimi, dene shynyqtyrý, fizioterapiialyq protsedýralar jáne t.b. Pediatrlar balalarmen jas, fizikalyq jáne psihoemotsionaldyq jaǵdaidy eskere otyryp, jeke densaýlyq baǵdarlamalary boiynsha jumys isteidi jáne jeke protsedýralardy tańdaidy», – dedi Balalardyń quqyqtaryn qorǵaý komitetiniń tóraǵasy Esenǵazy Imanǵaliev.
Almatydaǵy «Bóbek» ulttyq ǵylymi-praktikalyq, bilim berý jáne saýyqtyrý ortalyǵy jyl boiy jumys isteidi. Meditsinalyq protsedýralar mektep baǵdarlamasyna sáikes oqýmen biriktirilgen. Sonymen qatar balalardyń oi-órisin keńeitý úshin ekskýrsiialar, qyzyǵýshylyqtary boiynsha úiirmeler men shyǵarmashylyq sheberhanalar uiymdastyrylǵan.
