Amerikalyq mýzykant jáne aqyn Bob Dilan aldaǵy demalysta Nobel syilyǵyn alatyn boldy. Bul týraly sársenbi, 29 naýryzda «Bi-bi-si» habarlady.
Shved akademiiasynyń ókilderi laýreatpen Stokgolmde kezdesetinin aitty, ol jerde Dilannyń eki kontserti ótedi dep josparlanǵan.
Onyń syilyq alý úshin mindetti bop sanalatyn dástúrli Nobel dárisin oqymaityny, videojazba ǵana jiberetindigi atap ótilgen.
Budan buryn akademiia hatshysy Dilanǵa "eger ol 10 maýsymǵa deiin mátindi oqymasa, segiz million shved kronyn(911 myń dollar) quraityn aqshalai syilyq berilmeidi" degen úzildi-kesildi talap qoiǵan.
Esterińizge sala keteiik, Shved akademiiasy aqynǵa «Amerikalyq án dástúri aiasynda jańa aqyndyq máner qalyptastyrǵany úshin» tujyrymymen 2016 jylǵy 13 qazanda Nobel syilyǵyn taǵaiyndaǵan. Al, mekeme ókilderi uzaq ýaqyt mýzykantpen bailanysqa shyǵa almaǵan edi. Aqyr sońy, ol syilyqty tabystaý rásimine qatysýdan bas tartqan-tyn.
