Jambyl oblysyndaǵy blokposttardaǵy kezekshiliktegi politsiia qyzmetkerleriniń densaýlyǵy kún saiyn tekserilýde, - dep habarlaidy oblystyq politsiia departamentiniń baspasóz qyzmeti.
«Úsh dáriger men medbikeden turatyn dárigerler brigadasy politsiia qyzmetkerleriniń jaǵdaiyn tekserip, kún saiyn barlyq blokposttardy aralaidy. Blokposttarda qyzmet atqaratyn politsiia qyzmetkerleriniń densaýlyq jaǵdaiy Jambyl oblysy politsiia departamentiniń emhanalyq gospitaliniń meditsinalyq qyzmetkerleriniń kúndelikti baqylaýynda» delingen aqparatta.
Oblystyq PD gospitaliniń bastyǵy Aigúl Máselbekovanyń aitýynsha, meditsinalyq brigadanyń mindetterine politsiia qyzmetkerlerin tekserý, olardyń densaýlyǵynyń jalpy jaǵdaiyn anyqtaý, dene temperatýrasyn baqylaý, sondai-aq koronavirýstyq infektsiiadan qorǵaý boiynsha profilaktikalyq sharalar kiredi.
«Ár 12 saǵat saiyn kezekshilikteri aýysatyn blokposttardaǵy politseiler bizdiń turaqty baqylaýymyzda. Búgingi kúni biz teksergen barlyq qyzmetkerlerdiń densaýlyqtary oidaǵydai, olardan shaǵym túsken joq. Únemi arnaiy aralap tekserip turýdaǵy basty maqsatymyz – bizdiń tártip saqshylaryn densaýlyqtaryn saqtaý», - dedi A.Máselbekova.
