Almatydaǵy blokpostaǵy jol apatynan taǵy bir politsiia qyzmetkeri zardap shekti, dep habarlaidy "Ult aqparat".
Almaty qalalyq Politsiia departamenti baspasóz qyzmetiniń málimetinshe, zardap shekken er adam esirtki biznesine qarsy kúres basqarmasynyń qyzmetkeri Erbulan Seidazym.
«Erbulan Seidazym planshetpen ótip jatqan kólikterdi tekserip turǵan. BMW júrgizýshisi betonǵa soǵylǵanda, plitalardyń biri ushyp qyzmetkerge tigen. Taǵy bir boljam boiynsha, júrgizýshi birinshi Erbulandy qaǵyp, sodan keiin, politsiia kólimen soqtyǵysqan. Qyzmetkerge qatysty birneshe boljam bar. Tergeý jáne ekspretiza kezinde bári belgili bolady», - dep habarlady politsiia ókilderi.
Qazirgi tańda ol №7 qalalyq klinikalyq aýrýhanasynyń jansaqtaý bóliminde jatyr. Jaǵdaiy óte aýyr dep baǵalanýda.
Eske salaiyq, búgin 25 mamyrda tańǵy saǵat 05:26-da BMW markaly kóliktiń 1992 jylǵy júrgizýshi mas kúiinde blokpostaǵy politsiia kóligine soǵyldy. Sonyń saldarynan eki politsiia qyzmetkeri kóz jumdy.
