Almatyda blokpostaǵy jol apaty kezinde jaraqat alǵan úshinshi politsiia qyzmetkeri aýrýhanadan shyǵýǵa daiyndalyp jatyr, dep habarlaidy "Ult aqparat".
«Qazir naýqastyń jaǵdaiy jaqsy. Esin jiǵan. Jan-jaǵyn baǵdarlai alady.
Nevrologiialyq simptomatika tómendedi. Astenovegetativti sindrom azdap saqtalǵan. Búgin aýrýhanadan shyǵady», - dedi qalalyq qoǵamdyq densaýlyq saqtaý basqarmasynyń baspasóz qyzmetinen.
Eske salaiyq, 25 mamyr tańǵy saǵat 05:26-da BMW markaly kóliktiń 28 jastaǵy júrgizýshisi mas kúiinde blokpostaǵy politsiia kóligine soǵyldy.
Saldarynan eki politsiia qyzmetkeri kóz jumdy.
Al zardap shekken úshinshi politsei jaqynda aýrýhanada esin jidy.
Keiin QR Ishki ister ministri Erlan Turǵymbaev qylmystyq istiń mán-jaiyn tergeýdi Ishki ister ministrligi ózine alǵanyn málim etti.
Jaqynda politsiia departamenti kúdikti týraly maǵlumat taratqan bolatyn. Olardyń málimdeýinshe, kúdikti qylmys bolardan 4 kún buryn qyzmetinen bosatylǵan.
