25 mamyrda eki politsiia qyzmetkeri qaza tapqan Almaty oblysyndaǵy blokpostaǵy qaiǵyly oqiǵaǵa Ishki ister ministrligi tekserý júrgizip, taldaý jasady, dep habarlaidy "Ult aqparat".
Osy oqiǵa bailanysty qyzmettik teskerý júrgizildi, sonyń nátijesinde Ishki ister ministri Erlan Turǵymbaevtyń buiryǵymen toǵyz qyzmetkerge tártiptik jaza qoldanyldy.
Almaty qalalyq PD patrýldik politsiia polki bastyǵynyń orynbasary, politsiia podpolkovnigi K.E. Sataev, Almaty qalasy PD Kadr saiasaty bóliminiń bastyǵy, polkovnik O.S Myrzabekov, Jeke quram inspektsiiasynyń bastyǵy, politsiia polkovnigi Aqylbekov qyzmetterinen bosatyldy.
Almaty qalasy PD Jergilikti politsiia qyzmetiniń bastyǵy, politsiia polkovnigi M.A.Sattarovqa, Almaty qaýipsizdik basqarmasynyń bastyǵy, politsiia podpolkovnigi S.O. Kókrekbaevqa, Almaty qalalyq PD bastyǵynyń orynbasary, politsiia polkovnigi A.A Nasharbekovqa eskertý jasaldy.
Almaty qalalyq Politsiia departamentiniń bastyǵy politsiia general-maiory Qanat Taimerdenov qatań sógis aldy.
Sonymen qatar, PD bastyǵynyń orynbasary N.S Almasbekovke, baspasóz qyzmetiniń jetekshisi S. Ázirbekke de qatań sógis berildi.
«Árbir basshy óz qaramaǵyndaǵy qyzmetkerlerge jaýap beredi. Ol jeke quram arasynda tártip pen zańdylyqty saqtaýdy qamtamasyz etedi. Almaty qalasynyń politsiia basqarmasynda bul jumys tiisti deńgeide uiymdastyrylmaǵan. Nátijesinde biz birden eki qyzmetkerden aiyryldyq, bir qyzmetker aýyr jaraqat aldy. Bul - barlyǵymyz úshin, ásirese týǵan týystary úshin orny tolmas qaiǵy. Sondyqtan osy tótenshe jaǵdaidyń oryn alýyna jol bergen birqatar basshyǵa tiisti sharalar qabyldandy. Ishki ister ministrliginiń basshylyǵy qyzmettik tártipti saqtaýdy qatań talap etýdi, politsiia qyzmetkerleriniń kez-kelgen buzýshylyqtaryna printsipti baǵa berýdi jáne jańa talap boiynsha jumys istegisi kelmeitin nemese jumys istemeitinderdiń qataryn tazartýdy talap etedi», - dep atap ótti Ishki ister ministri Erlan Turǵymbaev.
Eske salsaq, qaiǵyly oqiǵa 25 mamyr kúni tańǵa jýy № 4 blokposta bolǵan. BMW júrgizýshisi mas kúiinde beton qorshaýǵa soǵylyp baryp, inertsiiamen patrýldik politsiia kóligin soqqan. Sonyń kesirinen eki politsiia qyzmetkeri kóz jumdy.
Úshinshi politsiia qyzmetkeri jansaqtaý bóliminde jatyr. Apatqa kináli júrgizýshi buryn politsiiada jumys istegen.
