25 مامىردا ەكٸ پوليتسييا قىزمەتكەرٸ قازا تاپقان الماتى وبلىسىنداعى بلوكپوستاعى قايعىلى وقيعاعا ٸشكٸ ٸستەر مينيسترلٸگٸ تەكسەرۋ جٷرگٸزٸپ, تالداۋ جاسادى, دەپ حابارلايدى "ۇلت اقپارات".
وسى وقيعا بايلانىستى قىزمەتتٸك تەسكەرۋ جٷرگٸزٸلدٸ, سونىڭ نەتيجەسٸندە ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعىمەن توعىز قىزمەتكەرگە تەرتٸپتٸك جازا قولدانىلدى.
الماتى قالالىق پد پاترۋلدٸك پوليتسييا پولكٸ باستىعىنىڭ ورىنباسارى, پوليتسييا پودپولكوۆنيگٸ ك.ە. ساتاەۆ, الماتى قالاسى پد كادر ساياساتى بٶلٸمٸنٸڭ باستىعى, پولكوۆنيك و.س مىرزابەكوۆ, جەكە قۇرام ينسپەكتسيياسىنىڭ باستىعى, پوليتسييا پولكوۆنيگٸ اقىلبەكوۆ قىزمەتتەرٸنەن بوساتىلدى.
الماتى قالاسى پد جەرگٸلٸكتٸ پوليتسييا قىزمەتٸنٸڭ باستىعى, پوليتسييا پولكوۆنيگٸ م.ا.ساتتاروۆقا, الماتى قاۋٸپسٸزدٸك باسقارماسىنىڭ باستىعى, پوليتسييا پودپولكوۆنيگٸ س.و. كٶكرەكباەۆقا, الماتى قالالىق پد باستىعىنىڭ ورىنباسارى, پوليتسييا پولكوۆنيگٸ ا.ا ناشاربەكوۆقا ەسكەرتۋ جاسالدى.
الماتى قالالىق پوليتسييا دەپارتامەنتٸنٸڭ باستىعى پوليتسييا گەنەرال-مايورى قانات تايمەردەنوۆ قاتاڭ سٶگٸس الدى.
سونىمەن قاتار, پد باستىعىنىڭ ورىنباسارى ن.س الماسبەكوۆكە, باسپاسٶز قىزمەتٸنٸڭ جەتەكشٸسٸ س. ەزٸربەككە دە قاتاڭ سٶگٸس بەرٸلدٸ.
«ەربٸر باسشى ٶز قاراماعىنداعى قىزمەتكەرلەرگە جاۋاپ بەرەدٸ. ول جەكە قۇرام اراسىندا تەرتٸپ پەن زاڭدىلىقتى ساقتاۋدى قامتاماسىز ەتەدٸ. الماتى قالاسىنىڭ پوليتسييا باسقارماسىندا بۇل جۇمىس تيٸستٸ دەڭگەيدە ۇيىمداستىرىلماعان. نەتيجەسٸندە بٸز بٸردەن ەكٸ قىزمەتكەردەن ايىرىلدىق, بٸر قىزمەتكەر اۋىر جاراقات الدى. بۇل - بارلىعىمىز ٷشٸن, ەسٸرەسە تۋعان تۋىستارى ٷشٸن ورنى تولماس قايعى. سوندىقتان وسى تٶتەنشە جاعدايدىڭ ورىن الۋىنا جول بەرگەن بٸرقاتار باسشىعا تيٸستٸ شارالار قابىلداندى. ٸشكٸ ٸستەر مينيسترلٸگٸنٸڭ باسشىلىعى قىزمەتتٸك تەرتٸپتٸ ساقتاۋدى قاتاڭ تالاپ ەتۋدٸ, پوليتسييا قىزمەتكەرلەرٸنٸڭ كەز-كەلگەن بۇزۋشىلىقتارىنا پرينتسيپتٸ باعا بەرۋدٸ جەنە جاڭا تالاپ بويىنشا جۇمىس ٸستەگٸسٸ كەلمەيتٸن نەمەسە جۇمىس ٸستەمەيتٸندەردٸڭ قاتارىن تازارتۋدى تالاپ ەتەدٸ», - دەپ اتاپ ٶتتٸ ٸشكٸ ٸستەر مينيسترٸ ەرلان تۇرعىمباەۆ.
ەسكە سالساق, قايعىلى وقيعا 25 مامىر كٷنٸ تاڭعا جۋى № 4 بلوكپوستا بولعان. BMW جٷرگٸزۋشٸسٸ ماس كٷيٸندە بەتون قورشاۋعا سوعىلىپ بارىپ, ينەرتسييامەن پاترۋلدٸك پوليتسييا كٶلٸگٸن سوققان. سونىڭ كەسٸرٸنەن ەكٸ پوليتسييا قىزمەتكەرٸ كٶز جۇمدى.
ٷشٸنشٸ پوليتسييا قىزمەتكەرٸ جانساقتاۋ بٶلٸمٸندە جاتىر. اپاتقا كٸنەلٸ جٷرگٸزۋشٸ بۇرىن پوليتسييادا جۇمىس ٸستەگەن.
